Talash

Kahan lekar jaun
Ye adhura vyaktitva
Khoj raha hun
Apna hi astitva
Liye man me ye aas
Swayam ke hi
Darshano ki pyas
Kshitiz per nahin hai woh bindu
Meri purnata ka sindhu
Per nahin chhodunga prayatn
Karta rahunga yatn
Mere man!
Mujhe khud per hai vishwas
Kaljayi hone ka
Dridh sankalp mere sath
Fir kyon hota hai tu nirash
Milegi sampurnata
Puri hogi teri talash!